مچھ میں المناک ٹریفک حادثہ، موٹر سائیکل کھائی میں گرنے سے دو خواتین سمیت تین افراد جاں بحق

مچھ میں المناک ٹریفک حادثہ، موٹر سائیکل کھائی میں گرنے سے دو خواتین سمیت تین افراد جاں بحق

مچھ کے علاقے گوکرت میں ایک افسوسناک ٹریفک حادثے کے نتیجے میں دو خواتین سمیت تین افراد جاں بحق ہوگئے۔

ہسپتال ذرائع کے مطابق موٹر سائیکل سوار کوئٹہ سے جیکب آباد جا رہے تھے کہ گوکرت کے مقام پر ان کی موٹر سائیکل بے قابو ہو کر گہری کھائی میں جا گری، جس کے باعث تینوں افراد موقع پر ہی جان کی بازی ہار گئے۔

ذرائع کا کہنا ہے کہ جاں بحق ہونے والوں میں دو خواتین بھی شامل ہیں، تاہم تاحال ان کی شناخت نہیں ہوسکی ہے۔

واقعے کے بعد لاشوں کو ہسپتال منتقل کردیا گیا ہے جبکہ متعلقہ حکام حادثے کی مزید تحقیقات کر رہے ہیں۔