پاکستان کا خوست، پکتیکا اور کنہار میں شہری آبادی پر فضائی حملہ، 13 افراد جانبحق

پاکستان کا خوست، پکتیکا اور کنہار میں شہری آبادی پر فضائی حملہ، 13 افراد جانبحق

افغان حکام کے مطابق پاکستان نے گزشتہ رات افغانستان کے صوبوں خوست، پکتیکا اور کنہار میں فضائی حملے کیے، جن میں شہری آبادی کو نشانہ بنایا گیا۔

حکام کا کہنا ہے کہ حملوں کے نتیجے میں 13 افراد جانبحق جبکہ 14 دیگر زخمی ہوئے ہیں۔ جانبحق افراد میں بچے، ایک خاتون اور ایک بزرگ بھی شامل ہیں۔

افغان حکام نے حملوں کی مذمت کرتے ہوئے انہیں افغانستان کی خودمختاری کی خلاف ورزی قرار دیا ہے۔

دوسری جانب پاکستان کی جانب سے تاحال اس حوالے سے کوئی باضابطہ مؤقف سامنے نہیں آیا۔ متاثرہ علاقوں میں امدادی سرگرمیاں جاری ہیں اور ہلاکتوں میں اضافے کا خدشہ ظاہر کیا جا رہا ہے۔