بلوچ نیشنلسٹ آرمی آپریشن "پدریچ”  کے تحت ایران کے زیرِ قبضہ مقبوضہ بلوچستان میں چھ مختلف مقامات پر کارروائیوں کی ذمہ داری قبول کرتے ہیں۔

بلوچ نیشنلسٹ آرمی آپریشن "پدریچ”  کے تحت ایران کے زیرِ قبضہ مقبوضہ بلوچستان میں چھ مختلف مقامات پر کارروائیوں کی ذمہ داری قبول کرتے ہیں۔

27 جون 2025 کی رات 12 بجے، بلوچ نیشنلسٹ آرمی کے سرمچاروں نے پہرہ-نیکشہر-چابہار ٹرانزٹ روٹ پر، جو تنک سرحہ لاشار، مقبوضہ بلوچستان میں واقع ہے، تین گھنٹے تک ناکہ لگا کر سخت جانچ پڑتال کی۔ اس دوران مسافر و مال بردار گاڑیوں کی تلاشی لی گئی، تاہم عام شہریوں کو کسی قسم کا نقصان نہیں پہنچایا گیا۔ جانچ کے دوران تین ایسے ٹریلرز کی شناخت کی گئی جو ایرانی پاسداران انقلاب سے وابستہ کمپنیوں کی ملکیت تھے اور چابہار بندرگاہ سے ایرانی دہشتگرد فورسز کا اسمگل شدہ سامان لے جا رہے تھے۔ ان تینوں ٹریلرز کو نذرِ آتش کر دیا گیا، تاہم ان کے عملے کو وارننگ دے کر جانے کی اجازت دی گئی۔

اسی کارروائی کے دوران، سرمچاروں کی ایک اور ٹیم جو قریب ہی گھات لگائے بیٹھی تھی نے ایرانی انٹیلیجنس اور سپاہ پاسداران کی تین گاڑیوں کی چیک پوسٹ کی طرف نقل و حرکت کا مشاہدہ کیا۔ سرمچاروں نے فوری فائرنگ کی، جس کے نتیجے میں دشمن فورسز بوکھلاہٹ کا شکار ہو  کر جوابی کارروائی کرنے کی صلاحیت نہ رکھتے ہوئے  راہ فرار اختیار کرنے پر مجبور ھو گئے

سرمچاروں نے بلوچوں کی گاڑیوں اور بسوں کو مکمل عزت و احترام کے ساتھ پروٹوکول میں گزرنے کی اجازت دی۔ غیر بلوچ مال بردار گاڑیوں کو سختی سے متنبہ کیا گیا کہ وہ مقبوضہ بلوچستان میں سفر سے گریز کریں، بصورتِ دیگر وہ اپنی حفاظت کے خود ذمہ دار ہونگے۔ اس ناکہ بندی اور سامان کی ترسیل میں رکاوٹ سے قابض ایرانی نظام کو شدید معاشی نقصان پہنچا۔

سرمچاروں نے یہ بھی واضح کیا کہ بلوچ عوام کو کسی نقصان سے بچانے کے لیے اُنہیں شناخت ہوتے ہی گزرنے کی اجازت دی گئی یا واپسی کا کہا گیا۔ تین نذرِ آتش شدہ ٹریلرز کے علاوہ کچھ غیر بلوچ مال بردار گاڑیوں کو، جو جانچ میں مداخلت کی کوشش کر رہی تھیں، تنبیہ کے طور پر معمولی نقصان پہنچایا گیا۔

مزید برآں، بلوچ نیشنلسٹ آرمی کی ایک اور ٹیم نے اسی رات 1 بجے کے قریب، رزی گاؤں کے نزدیک دو مختلف مقامات پر، ایرانی سپاہ سے وابستہ کمپنی "نصر” کی  مشینوں کو آگ لگا دی، جو استحصالی ریلوے لائن کے منصوبے پر کام کر رہی تھیں۔ ایک مقام پر دو نئے رولرز کو، اور دوسرے مقام پر سرنگ سازی میں استعمال ہونے والے لوہے کے ڈھانچوں کو تباہ کر دیا گیا۔ ان مقامات پر تعینات بلوچ محافظوں کو، سمجھا بجھا کر بغیر کسی نقصان کے چھوڑ دیا گیا۔

اسی طرح، 19 جون 2025 کو رات 1 بجے، سرمچاروں نے جکیگور کے پولیس واہن روڈ چیک پوسٹ پر حملہ کیا، جس کے نتیجے میں قابض افواج کو جانی و مالی نقصان اٹھانا پڑا۔

اسی روز، صبح 8 بجے، ماشکیل میں قابض افواج کی جانب سے جعلی سرحد پر خار دار تار لگانے کے عمل کو نشانہ بنایا گیا، جس پر دشمن اہلکار اپنی پوزیشنیں چھوڑ کر فرار ہو گئے۔

20 جون 2025 کو رات 2 بجے، رمشک میں ایرانی پولیس اسٹیشن پر حملہ کیا گیا، جس میں پولیس کو بھاری نقصان ہوا۔

بلوچ نیشنلسٹ آرمی ایک بار پھر عالمی برادری کی توجہ ان قوموں کی جانب مبذول کراتی ہے جن کی سرزمین ایران کے قبضے میں ہیں، جیسا کہ بلوچ، کرد، ترک، عرب وغیرہ۔ ہم خبردار کرتے ہیں کہ اس جعلی اور مسلط کردہ جغرافیے میں بیرونی ذاتی مفادات کی بنیاد پر کوئی تبدیلی قابل قبول نہیں ہوگی۔ اگر ان محکوم اقوام کو نظر انداز کیا گیا تو دنیا کو سنگین نتائج کا سامنا کرنا پڑے گا۔

دنیا کو جان لینا چاہیے کہ ایک آمر کی جگہ دوسرا آمر لانے سے حالات نہیں بدلیں گے۔ جب تک کوئی حکمران ان سرزمینوں کے قبضے کو تسلیم کرتا رہے گا، اس جغرافیے میں امن قائم نہیں ہوگا۔ بلوچ قوم اپنی پوری قوت کے ساتھ مکران کی آبادیاتی ساخت کی تبدیلی، دو طرفہ سڑکوں کی تعمیر، اور استحصالی منصوبے جیسے کہ ریلوے لائن کی اجازت نہیں دے گی جو ایران کے معاشی و فوجی مفادات کے لیے بنائے جا رہے ہیں۔

بین الاقوامی اور علاقائی طاقتوں کو یہ سمجھنا ہوگا کہ ایران کے موجودہ جغرافیائی مسئلے کا حل صرف نظام کی تبدیلی یا کسی مخصوص نسلی گروہ کی حمایت میں نہیں ہے۔ دنیا کو 1978 کی تلخ تاریخ سے سبق سیکھنا چاہیے۔ ان محکوم اقوام کو اپنے مستقبل کا فیصلہ خود کرنے کا حق دیا جانا چاہیے تاکہ وہ اپنا کھویا ہوا حقِ حاکمیت اور انسانی وقار دوبارہ حاصل کر سکیں۔

صرف اسی صورت میں دنیا ایران جیسے سرطان سے، جس کے مہلک اثرات نے پورے مشرق وسطیٰ کو اپنی لپیٹ میں لے رکھا ہے، نجات حاصل کر سکے گی—جب وہ محکوم اقوام کی جدوجہدِ آزادی کا ساتھ دیں گے۔ بصورتِ دیگر، دنیا اور خطے کے ممالک امن کی کوئی صورت نہیں دیکھ سکیں گے۔

بلوچ نیشنلسٹ آرمی بلوچستان کی مکمل آزادی تک ایران و پاکستان کی فورسز اور تنصیبات کے خلاف اپنے حملے مزید شدت کے ساتھ جاری رکھے گی۔

بیبرگ بلوچ

ترجمان بلوچ نیشنلسٹ آرمی