روس کا کیف کے قریب گودام پر ڈرون حملہ، دھماکے میں 37 افراد ہلاک

کیف: یوکرین کے دارالحکومت کیف کے قریب روسی ڈرون حملے کے نتیجے میں گودام میں شدید دھماکے اور آگ بھڑک اٹھی، جس کے باعث کم از کم 37 افراد ہلاک جبکہ درجنوں زخمی ہوگئے۔

رپورٹس کے مطابق گودام میں گولہ بارود، ڈرونز اور دیگر دھماکا خیز مواد موجود تھا، جس کے باعث حملے کے بعد بڑے پیمانے پر دھماکے ہوئے اور آگ قریبی عمارتوں تک پھیل گئی۔

حکام کے مطابق علاقے سے 370 سے زائد افراد کو بحفاظت نکال لیا گیا جبکہ قریبی رہائشی عمارتوں اور ایک نگہداشت مرکز کو بھی نقصان پہنچا۔

یوکرینی صدر ولودیمیر زیلنسکی نے واقعے پر تحقیقات اور ذمہ داروں کے خلاف کارروائی کا اعلان کرتے ہوئے ملک کے دفاع کو مزید مضبوط بنانے پر زور دیا۔

واضح رہے کہ روس یوکرین جنگ کو ساڑھے چار سال سے زائد عرصہ گزر چکا ہے اور حالیہ دنوں میں یوکرین کے مختلف علاقوں پر روسی ڈرون حملوں میں اضافہ ہوا ہے۔