دکی: آئی ای ڈی دھماکے میں تین بھائی ہلاک، ایک زخمی

دکی: تحصیل لونی کے علاقے کلی بختیار خان میں آئی ای ڈی دھماکے کے نتیجے میں تین بھائی ہلاک جبکہ ایک شخص زخمی ہوگیا۔

ایس پی دکی منصور احمد بزدار کے مطابق دھماکہ اس وقت ہوا جب متاثرہ افراد کی گاڑی ندی سے گزر رہی تھی۔ ہلاک افراد اپنی گاڑی میں زمینداری کے لیے جا رہے تھے۔

ایس پی کے مطابق ہلاک ہونے والوں میں رحمت اللہ، دورانی اور نعمت اللہ ولد سلطان شامل ہیں، جبکہ زخمی کی شناخت عتیق اللہ ولد مولوی نیک محمد کے نام سے ہوئی ہے۔

ہلاک اور زخمی افراد کو اسپتال منتقل کر دیا گیا، جبکہ واقعے کے بعد علاقے میں سرچ آپریشن شروع کر دیا گیا ہے۔