تربت سے نوجوان کی مبینہ جبری گمشدگی، بالگتر میں سی پیک روڈ بلاک، احتجاج جاری

تربت سے نوجوان کی مبینہ جبری گمشدگی، بالگتر میں سی پیک روڈ بلاک، احتجاج جاری

کیچ کے علاقے تربت سے ایک نوجوان کی مبینہ جبری گمشدگی کے خلاف لواحقین نے بالگتر میں سی پیک روڈ بلاک کرکے احتجاجی دھرنا شروع کر دیا ہے۔

اہل خانہ کے مطابق 25 سالہ عابدین ولد اسلام، جو پیشے کے لحاظ سے کسان اور رہائشی سید آباد (بالگتر) ہیں، کو 19 اپریل 2026 کی شام کلکھوڑ روڈ، تربت سے مبینہ طور پر پاکستانی فورسز کے اہلکاروں نے حراست میں لینے کے بعد لاپتہ کر دیا۔

لواحقین کا کہنا ہے کہ واقعے کے خلاف احتجاجاً سی پیک روڈ کو بند کر دیا گیا ہے اور دھرنا جاری ہے۔ مظاہرین نے مطالبہ کیا ہے کہ عابدین کو فوری طور پر بازیاب کیا جائے، اور اگر ان پر کوئی الزام ہے تو انہیں عدالت میں پیش کیا جائے۔

ادھر وائس فار بلوچ مسنگ پرسنز کا کہنا ہے کہ مذکورہ مطالبات آئینی اور قانونی دائرہ کار میں آتے ہیں، اور حکومت کو چاہیے کہ فوری نوٹس لیتے ہوئے متاثرہ خاندان کو انصاف فراہم کرے۔