پسنی: طویل اذیت سے نجات دلائی جائے، پسنی وارڈ نمبر 6 کے لاپتہ نوجوان کی والدہ کا اعلیٰ حکام سے مطالبہ

پسنی: طویل اذیت سے نجات دلائی جائے، پسنی وارڈ نمبر 6 کے لاپتہ نوجوان کی والدہ کا اعلیٰ حکام سے مطالبہ

پسنی وارڈ نمبر 6 کے رہائشی حارث عزیز کی والدہ نے پسنی پریس کلب میں پریس کانفرنس کرتے ہوئے کہا کہ ان کا بیٹا گزشتہ ایک سال سے لاپتہ ہے، لیکن اب تک اس کے بارے میں کوئی معلومات نہیں مل سکیں۔

انہوں نے حکومت، قانون نافذ کرنے والے اداروں اور متعلقہ حکام سے اپیل کی کہ ان کے بیٹے کی جلد از جلد بازیابی کے لیے مؤثر اقدامات کیے جائیں تاکہ ان کا خاندان اس طویل اذیت سے نجات حاصل کر سکے۔

حارث عزیز کی والدہ نے کہا کہ ایک سال سے اپنے بیٹے کی جدائی نے پورے خاندان کو شدید ذہنی کرب میں مبتلا کر رکھا ہے۔ انہوں نے عوام سے بھی اپیل کی کہ اگر کسی کے پاس حارث عزیز کے بارے میں کوئی معلومات ہوں تو فوری طور پر متعلقہ اداروں یا اہل خانہ کو آگاہ کریں۔